Creative Commons

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Creative Commons
Datos chenerals
Eslogan	'
Establimiento	2001
Localización	Mountain View, California, Estaus Unius
Enfiladors
Industria	Dreito
Productos	Licencias de dreitos d'autor ubiertas y/u libres ta obras culturals, cientificas y educativas.
Beneficios	12.563.767 dólars estausunidenses
Emplegatos
Pachina web
Pachina web	creativecommons.org
Twitter	{{{twitter}}}
Facebook	{{{facebook}}}

Creative Commons (tamién por as suyas siglas CC, en aragonés “Biens Comuns Creyativos”) ye una organización sin animo de lucro, que tien a suya oficina central en a ciudat de Mountain View, en o estau de California, en os Estaus Unius d'America y que permite usar y compartir tanto a creyatividat como o conoiximiento a traviés d'una serie d'instrumentos churidicos de caracter gratuito.

Ditos instrumentos churidicos consisten en un conchunto de modelos de "contractos de licenciamiento" u licencias de dreitos d'autor (licencias "CC") que ofreixen a l'autor d'una obra una forma simpla y standardizada d'atorgar permiso a o publico en cheneral, ye decir, de compartir y usar o suyo treballo creativo baixo os termins y condicions d'a suya esleción. En iste sentiu, as licencias Creative Commons permiten a l'autor cambiar facilment os termins y condicions d'os dreitos d'autor d'a suya obra de “toz os dreitos reservaus” a “cualques dreitos reservaus”.

As licencias Creative Commons no reemplazan a os dreitos d'autor, sino que s'emparan en istos ta permitir modificar os termins y condicions d'a licencia d'a suya obra d'a forma que millor satisfaiga a las suyas necesidaz. A organización fue fundada en 2001 por Lawrence Lessig, exprofesor de Dreito d'a Universidat de Standford y especialista en ciberdreito, Hal Abelson y Eric Eldre con o refirme de Center for the Public Domain.

O primer articlo baixo a licencia Creative Commons en una publicación d'intrés cheneral estió escrito por Hal Plotkin en febrero de 2002. O primer conchunto de licencias de copyright fue quitau en aviento de 2002. En 2008, bi heba estimaus bels 130 millons de treballos baixo licencias Creative Commons. En octubre de 2011, nomás Flickr alberga mas de 200 millons de fotos con licencias Creative Commons. Creative Commons ye dirichida por una chunta directiva y unatra d'asesoramiento tecnico. Istas licencias han estau adoptadas por muitos como una forma que tienen os autors de prener o control de cómo quieren compartir a suya propiedat intelectual.